«Abhazııadan kelgen narttar» men «Ýezdik qala» merekelik Astananyń qonaqtary bolady
ASTANA. 23 maýsym. QazAqparat - Qala kúnin merekeleýge arnalǵan sharalardy ótkizý aıasynda Astanada «Astana Kýbogy» oınatylatyn Kóńildi tapqyrlar klýbynyń birinshi halyqaralyq festıvali ótedi.
Elordanyń turǵyndary men qonaqtary merekelik kúnderi KTK-nyń búkil tarıhyndaǵy eń tanymal jáne ataqty komandalarynyń ázilderine kýá bola alady. Astanaǵa «Abhazııadan kelgen narttar» (Sýhýmı qalasy), «Ýezdik qala» (Chelıabi-Magnıtogor qalasy), «Prıma» (Kýrsk qalasy) jáne Qazaqstan quramasy («Qazaqtar», «Astana. kz» komandalary) keledi. Keshti tanymal ázilqoı, Reseı Halyqtar dostyǵy ýnıversıteti komandasynyń kapıtany Sangadjı Tarbaev júrgizedi.
