Abhazııadaǵy jarylys: 60-qa jýyq adam jaralandy, 5-iniń jaǵdaıy asa aýyr

ASTANA. QazAqparat - Abhazııadaǵy oq-dári qoımasynda bolǵan jarylys saldarynan jaraqat alǵandar sany 60-qa jýyqtady.

Respýblıkanyń densaýlyq mınıstrligi usynǵan aldyn ala málimetter boıynsha,  jaralanǵandardyń beseýiniń jaǵdaıy asa aýyr. Gýdaýt aýdandyq aýrýhanasyna - 42, al Sýhýmı respýblıkalyq aýrýhanasyna 27 adam jetkizilgen. Olardyń 27-i jatqyzyldy.  Zardap shekkenderdiń 19-y reseılikter. 

Abhazııa ІІM-iniń málimdeýinshe, jarylys jergilikti ýaqyt boıynsha saǵat 16:30-da qorǵanys mınıstrliginiń qoımasynda boldy. Qoıma eldi mekenderden shalǵaı ornalasqan.