Abhazııada prezıdent saılaýy ótedi
ASTANA. QazAqparat - Abhazııada 24 tamyzda prezıdent saılaýy ótedi. Respýblıka basshysy oryntaǵyna tórt úmitker - Raýl Hadjımba, Aslan Bjanııa, Mırab Kıshmarııa jáne Leonıd Dzapshba daýysqa túsýde, dep habarlady ITAR-TASS.
«Abhazııa OSK málimetter bazasynda 130 myńǵa tarta saılaýshy bar. Ótken prezıdenttik saılaýlarda 106 myńǵa jýyq adam daýys berýge qatysty. Bul joly saılaýshylar sany burynǵydan az bolmaq, óıtkeni, respýblıka bas prokýratýrasy Galsk aýdanynyń 20 myńǵa jýyq turǵyndaryna tólqujat berýde zań buzýshylyq oryn alýyna baılanysty olardy daýys berý quqyǵynan aıyrdy», delingen aqparatta.
Ýchaskeler saǵat 08.00-de ashylyp, 20:00-de jabylady. Aldyn ala málimetter 25 tamyzda tańerteń jarııalanbaq. Zańnamaǵa sáıkes túpkilikti qorytyndylar daýys berýden keıin úsh kún ishinde shyǵarylady. Biraq ta saılaý nátıjesi qalaı bolary ázirge belgisiz. Eger úmitkerlerdiń birde-biri 50 paıyzdan astam daýys jınaı almasa, ekinshi týr taǵaıyndalady.
