Abhazııada kezekten tys prezıdent saılaýy 19 aqpanǵa deıin ótýi múmkin

ASTANA. KAZINFORM — Abhazııada merziminen buryn prezıdent saılaýy 2025 jyldyń 19 aqpanyna deıin — 15 nemese 16 aqpanda ótýi múmkin, dep jazady TASS. 

— Saılaý prezıdent Aslan Bjanııa otstavkaǵa ketken jáne parlament ony 19 qarashada qabyldaǵan kúnnen bastap úsh aı ishinde ótýi kerek. Bul konstıtýtsııa boıynsha saılaý úsh aı ishinde, ıaǵnı 19 aqpanǵa deıin ótýi kerek degendi bildiredi. Abhazııada saılaý árqashan demalys kúnderi ótetindikten, bul joly senbi, 15 aqpan nemese jeksenbi, 16 aqpan bolýy múmkin, — dep habarlady eldiń Ortalyq saılaý komıssııasy.

Sonymen birge ol saılaý kúnin parlament belgileýi kerektigin qadap aıtty.

— Parlamenttiń kezekten tys saılaý kúnin belgileıtin otyrysynyń kúni áli anyqtalǵan joq, — dedi el parlamentiniń baspasóz qyzmeti.

Buǵan deıin Abhazııa parlamenti Aslan Bjanııanyń otstavkasyn qabyldaǵanyn jazǵan bolatynbyz.