Abel Sanches: «Ýordtyń ózi Golovkınmen jekpe-jekte 12 raýndtan óte almaıdy»
ASTANA. QazAqparat - Gennadıı Golovkınniń jattyqtyrýshysy Abel Sanches qaramaǵyndaǵy sportshynyń Andre Ýordpen jekpe-jekke shyǵý múmkindigi týraly aıtyp berdi, dep habarlaıdy VKontakte áleýmettik jelisinde GGG-diń resmı toby.
«Úsh jyl buryn men 154-168 fýt aralyǵyndaǵy salmaqta eshkim de Gennadıımen 12 raýndtan óte almaıtynyn aıtqan bolatynmyn, ony qazir de aıtyp otyrmyn. Andre Ýordtyń ózi ony isteı almaıdy. Ýord pen onyń adamdary Tom Lefflerge telefon soǵyp, oǵan usynys jasasyn. Eger Andre A tarapy bolyp eseptelse, jáne qoǵamǵa Golovkındi aıqasýǵa shaqyratyn adam retinde tanylsa, A tarapy retinde is júzinde nege shaqyrmaıdy: usynys jasasyn. Onyń artynda Djeıms Prıns jáne Jay Z sııaqty adamdar tur, olarda aqsha bar. Usynys jasa, sonda jekpe-jek bolady. Al eger tek aýa qarmaı berseń, bul aıqas eshqashan ótpes», - dedi Abel Sanches.
