Abel Sanches: «Men Brýkty óte jaqsy boksshy dep esepteımin»
ASTANA. QazAqparat - Orta salmaqta WBA (Super), WBC jáne IBF boıynsha álem chempıony Gennadıı Govokınniń bapkeri Abel Sanches brıtandyq Kell Brýktyń aldaǵy shaıqasqa deıin Gennadııge qysym kórsetýge tyrysatynyn aıtty.
Eske salsaq, Golovkın-Brýk jekpe-jegi 10 qyrkúıek kúni Londonda ótedi, dep jazady sports.kz.
«Men Brýkty óte jaqsy boksshy dep esepteımin, - dedi Sanches Undisputed Champion Network suhbatynda. - Onyń rekordy 36-0, jáne ol, árıne, jartylaı orta salmaqtaǵy álem chempıony. - Biraq, ol nokaýter emes. Aıqasqa 30 kún qalǵanda tarazyǵa tartylǵanda, onyń salmaǵy 176 fýnt boldy (orta salmaqta judyryqtasýdyń lımıti - 160 fýnt). Endi olar aıqasqa deıin Gennadııge rýhanı qysym kórsetýge árekettenedi. Mundaı jaǵdaıda, bizde tamasha jekpe-jek ótedi, tamasha nokaýt bolady», - dedi Sanches.
