Abel Sanches Golovkınniń qansha jekpe-jek ótkizetinin aıtty

ASTANA. QazAqparat - 2018 jyldyń qyrkúıek aıynda orta salmaqta burynǵy álem chempıony Gennadıı Golovkın (38-1-1, 34 KO) meksıkalyq boksshy Saýl Alvaresten (50-1-2, 34 KO) jeńilip, WBC, WBA Super, The Ring nusqalary boıynsha tıtýldarynan aıyryldy, dep jazady sports.kz.

Eki boksshynyń NVO telearnasymen kelisimsharty aıaqtalyp, odan keıin bul telearna boks keshterin kórsetýden bas tartqan.

Alvares DAZN onlaın-trımmıngimen 365 mıllıon AQSh dollaryna kelisimshart jasasqan. Golovkın áli kelissózder júrgizý ústinde. DAZN-nan basqa, Golovkınniń qol qoıýyna El Heımonnyń Premier Boxing Champions (Showtime, FOX telearnalarymen birge qyzmet etedi) jáne ESPN úmitti.

Buǵan deıin, qazaqstandyq boksshynyń jattyqtyrýshysy Abel Sanches Golovkın sońǵy sheshimin Rojdestvo jáne Jańa jyl merekelerinen keıin qabyldaıtynyn aıtqan bolatyn. Endi tájirıbeli bapker boksshynyń top-deńgeıde qansha jekpe-jek ótkizetindigi jaıly pikir bildire bastady.

«Birge paıymdap kóreıikshi - áýeli orta dıvızıondaǵy salmaq (72,6 kelige deıin) álde ekinshi orta salmaq (76,2 kelige deıin) týraly aıtyp otyrǵanymyz týraly túsinýimiz qajet. Golovkın taǵy 2-3 jyl bokstasady dep oılaımyn, biraq osy ýaqytta mol nátıjege qol jetkizý kerek. Men taǵy 2-3 jyl bolǵanyn qalaımyn. Eń bastysy ne? Eń bastysy - onyń rıngke shyǵýǵa, jattyǵýǵa yntasy bar bolǵany. Qysqasy, bári de burynǵydaı. Eger bári de osy josparǵa sáıkes bolsa, Golovkınniń áli 5 nemese 6 jekpe-jegi bar dep oılaımyn», - dedi Sanches.