Abel Sanches Golovkınniń bıyl úsh ret rıngke shyǵýy múmkin ekendigin aıtty
ASTANA. QazAqparat - WBA Super, WBC, IBF men IBO tujyrymdary boıynsha orta salmaqtaǵy álem chempıony Gennadıı Golovkınniń bapkeri Abel Sanches qazaqstandyq bylǵary qolǵap sheberi bıyl úsh ret rıngke shyǵady dep josparlap otyrǵanyn aıtty, dep habarlaıdy Sports.kz.
5 mamyrda GGG amerıkalyq Vanes Martırosıanmen jekpe-jekte WBA, WBC jáne IBO belbeýlerin qorǵaıdy. Keıin qazaqstandyq pancher kúzde jáne jyl sońynda aıqas ótkizýi múmkin.
«Biz qyrkúıekte judyryqtasamyz dep úmittenemin, keıin jeltoqsanda rıngke shyǵamyz. Barynsha kóp ári uzaq bokstasqymyz keledi. Búginde Gennadıı - sporttyń osy túrindegi eń myqty boksshy. Ony baǵalaýymyz kerek», - dedi Sanches Yahoo! Sports-qa bergen suhbatynda.
