Abel Sanches: Golovkınge Chavesti de, Froch pen Ýordty da jeńý esh qıyndyq týdyrmaıdy
ASTANA. QazAqparat - «WBA (Super) nusqasy boıynsha álem chempıony Gennadıı Golovkın úshin bokstyń osy serııasy ashyq. Al onyń jattyqtyrýshysy Abel Sanches, Golovkınmen qolǵap túıistire alýǵa múmkindikteri mol úsh boksshyny atady», dep jazady allboxing.ru.
«Meniń oıymsha, úsh boksshy bar. Bular - kishi Chaves, Froch pen Ýord. Alaıda, Gennadıı úshin bulardyń qaı-qaısysymen bolsa da jekpe-jekti eńserý ońaı bolar edi. Búgingi kúni Gennadııdiń kúsh-qýaty tasyp turǵany sonshalyqty, oǵan qarsylas shaq kelmeıtindeı. Chaves 17 mln. dollardyń usynysynan bas tartty (Golovkınmen + 2 jekpe-jek), al osynsha aqshany ıelený úshin oǵan jeńis te mańyzdy emes edi. Shyndyǵynda, bul jaǵdaı kúlkini keltiredi. Kez-kelgen boksshy bulaısha aqsha taba almas edi», - degen eken Sanches Doghouseboxing.com saıtyndaǵy suhbatynda.
Sonymen qatar Sanches Golovkınniń birinshi ortasha salmaqqa da tómendeı alatynyn aıtypty. Al atalǵan reıtıngtiń lıderi álemniń úzdik boksshylarynyń biri 37 jastaǵy amerıkalyq kishi Floıd Meıvezer osy salmaqta birneshe jekpe-jek ótkizgen kórinedi. Sanches osyny meńzep otyr.
«Floıd - qas talant. Shyndyǵynda, ol bálkim birinshi orta salmaqtaǵy Gennadıımen jekpe-jek barysynda nokaýtqa túsip qalmaıtyn ári jekpe-jekti qyzyqty ete alatynyn birden bir boksshy shyǵar», - deıdi Sanches.
