Abel Sanches: Golovkın Kottony 5 raýndta tas-talqan etedi
ASTANA. QazAqparat - Gennadıı Golovkınniń (32-0, 29 KO) bapkeri Abel Sanchestiń sózine qaraǵanda, olar Mıgel Kottomen (39-4, 32 KO) qýana-qýana kezdesý ótkizer edi. Alaıda, pýertorıkolyq boksshy kim myqtyny anyqtaýǵa áli asyǵar emes. Eske sala keteıik, Mıgel Kottonyń enshisinde 72,6 keli salmaqta WBC tıtýly bar.
Gennadıı bolsa, sonyń «ýaqytsha» nusqasyna ıe. Sondyqtan, qazaqstandyq boksshy Mıgel Kottonyń mindetti qarsylasy bolyp tabylady.
«Mıgelde ózge josparlar bar dep oılaımyn», - deıdi Sanches Boxingscene saıtyna bergen jaýabynda. - Golovkın oǵan tym myqty qarsylas ekenin Kotto biledi, sondyqtan ol ózge joldy tańdaıdy. Bizge tek onyń tıtýly qajet, kimmen shyǵatynymyz bizge báribir».
«Ókinishke oraı, biz Mıgeldi rıngke shyǵýǵa kúshteı almaımyz. Mıgel de, onyń bapkeri Freddı Roých ta ol Golovkınge tek bes raýnd shydaıtyndyǵyn sezip otyr. Bul olarǵa kerek emes. Kottoda keremet boks tarıhy bar jáne buny bir mezette Golovkınniń tas-talqan etkenin qalamaıdy», - dedi ol.
