Abel Sanches: Golovkın qarsylastarynyń ishindegi eń myqtysy - Gıl
ASTANA. QazAqparat - WBA (Super) jáne IBO nusqalary boıynsha orta salmaqta bokstan álem chempıony Gennadıı Golovkınniń jattyqtyrýshysy Abel Sanches shákirtiniń kásibı bokstaǵy mansabynda eń tájirıbeli ári tabysty qarsylaspen kezdesetindigin moıyndady.
Sonymen qatar, onyń paıymynsha, eks chempıon Denıel Gıldiń ereksheligi, sharshy alańdaǵy belsendiligi, al qarsylasyn uryp jyǵar qaýqary joq, dep habarlady Vringe.com.
«Gıl Gennadııdiń joly túıiskender arasynda eń myqtysy ekendigi sózsiz. Ol eń úzdik nokaýtshy emes te shyǵar. Biraq, eger qol jetkizgen jetistikterin saralaıtyn bolsaq, onda ol Golovkınniń barlyq basqa qarsylastarynyń aldyn oraıdy. Eki márte álem chempıony jáne eki ret ǵana jeńilistiń aşy dámin tatqan. Buǵan qosa, onyń biri daýly jeńilis», - dedi A.Sanches.
Sonymen qatar ol Denıeldiń sharshy alańdaǵy urys mánerine de óz baǵasyn bergen.
«Joǵaryda atap ótkenimdeı, ol nokaýtshy emes. Biraq, ústin-ústin soqqylarymen, tájirıbesimen basym túsetini bar. Gennadıı kásibı rıngte mundaı boksshymen áli kezdesken joq. Eger Gıl 100 paıyz daıyn bolmasa, sharshy alańda qıyn bolady». - dedi ol.
Esterińizge sala keteıik, Gennadıı Golovkın men Denıel Gıl arasyndaǵy jekpe-jek 26 shilde kúni Nıý-Iorktegi 20 myń adam sııatyn Madison Square Garden arenasynda ótedi.
