Abel Sanches G. Golovkınniń qarsylasy Mıýrreıge birneshe keńes berdi
ASTANA.QazAqparat - WBA Super, WBC Interim jáne IBO chempıony Gennadıı Golovkınniń(31-0, 28 KO) bapkeri Abel Sanches qazaqstandyq boksshynyń qarsylasy Martın Mıýrreıge birneshe keńes berdi.
Onyń oıynsha, Martın Mıýrreı rıngte Golovkınge qarsy úlken kúshpen qarsylyq kórsetýi kerek. Óıtpegen jaǵdaıda, chempıon ony kóp oılanbastan sulatyp tastaıdy. «Menińshe, barlyǵy Mıýrreıdiń osy kezdesýge qandaı minezben shyǵatynyna baılanysty bolmaq. Eger ol tóbeleske kelgen bolsa, jekpe-jek qyzyq ótedi. Golovkın ol úshin tym myqty menińshe, Golovkın orta salmaqtaǵylardyń barlyǵy úshin alynbas qamal», - dedi bapker. «Eger Mıýrreı aqyryn júrip, ańdap basatyn bolsa, ony sol jerde joıyp jiberedi. Ol Mettıý Maklın qusap, qarsylyq kórsetip, dál soqqyǵa senim artýy kerek. Meniń oıymsha, Martın - buryn-sońdy kezdesken boksshylardyń arasynda eń myqtysy. Biz odan teketires kútemiz, jekpe-jek qansha ýaqytqa jalǵasatyny Mıýrreıge baılanysty», - dep túıdi sózin A.Sanches Boxingscene saıtyna bergen jaýabynda.
