Abel Sanches: «Bir-eki aptadan keıin Golovkın Djonson nemese Sonderspen judyryqtasýǵa daıyndyqty bastaıdy»
ASTANA. QazAqparat - Gennadıı Golovkınniń bapkeri Abel Sanches BoxingScene.com-ǵa bergen suhbatynda GGG-men aıqasta aýqymdy gonorar alǵysy kelgen Bıllı Djo Sonderstiń tilegine túsinikpen qaraıtynyn jetkizdi, sondaı-aq keleshek josparlarymen bólisti, dep habarlady Sports.kz.
- Ózderińiz bilesizder, ókinishke qaraı, bul bıznes barlyǵy tek aqsha úshin jasalatyn dárejege jetti, al úzdikterge qarsy aıqas ótkizip, ózin synap kórýge eshkimniń qulqy baıqalmaıdy. Sonders pen Ýorrenniń de kózqarasyn túsinemin. Búginde bizde mindetti úmitker bar, biz Týreano Djonsonmen aıqas ótkizýdi jón sanaımyz. Onyń IBF ataǵyna talasýǵa quqyǵy bar. Árıne, Sonderspen aıqasqa shyqsaq ta, mindetti qorǵaýdy kózir etip, ony qandaı da bir merzimge uzartar edik. Kim bolsa da, qarsylas anyqtalsa, biz zalǵa baryp, daıyndyq júrgizýge ázirmiz.
Biz kezdesý ýaqytyn 23 sáýir dep belgiledik. Bir-eki aptadan keıin Golovkın lagerge kelip, Týreano nemese Bıllı Djoǵa qarsy aıqasqa daıyndyqqa kirisedi. Olar ekeýi de myqty boksshylar, bul Golovkınniń kezekti juldyzdy sáti bolmaq.
