Abel Sanches: Alvares 15 kún ishinde ne jekpe-jekke kelisedi, ne tıtýlynan aıyrylady
ASTANA. QazAqparat - Gennadıı Golovkınniń bapkeri Abel Sanchesti orta salmaqtaǵy WBC chempıony Saýl Alvares komandasynyń orta salmaq aıasynda qazaqstandyq boksshymen aıqas ótkizýge nıeti joq ekendigi týraly málimdemesi esh alańdatpaıdy.
Golovkın tarapy orta salmaqta jekpe-jek ótkizýge nıetti, al meksıkalyq bolsa, 155 fýnt - sál tómen salmaqta óner kórsetedi, dep «Chempıonat» basylymynan úzindi keltirdi sports.kz.
Golovkın IBF/IBO/WBA tujyrymdary boıynsha álem chempıony ári WBC nusqasy boıynsha álemniń ýaqytsha chempıony, sondaı-aq Alvarestiń tıtýlyna mindetti úmitker sanalady.
Budan buryn boksshylar komandasy aıqasty osy jyldyń kúzinde ótkizetini jaıly ýaǵdalasqan. Bul Alvareske aldymen Amır Hanmen aıqasýǵa múmkindik beredi. Ol Las-Vegasta 7 mamyrǵa josparlanǵan. Golovkın 23 sáýirle Los-Andjeeleste Domınık Ýeıdpen rıngke shyǵady.
«Belgili bir tártip bar. Qolymda múddeli taraptardyń barlyǵy qol qoıǵan qujat kóshirmesi de bar. Golden Boy men Alvares komandasy bir jaqtan, K2 jáne Golovkın komandasy ekinshi jaqtan oǵan qol qoıǵan. Osy qujatta olardyń aıqas ótkizýdi qabyldaý nemese bas tartý úshin 15 kún ýaqyty bar ekeni aıtylǵan. Eger olar kelisse, onda bizde ony ótkizý jaǵdaılaryn ýaǵdalasý úshin 13 kún ýaqytymyz bolady.
Eger kelisimge kele almasaq, onda promoýterlik saýda-sattyq ótkizedi. Ol ótkennen keıin barlyǵy jáne boksshylardyń gonorary WBC qaǵıdalarynyń aıasynda aıqyndalady. Barlyǵy qaǵazda jazylǵan. Barlyǵy WBC qaǵıdalarymen aıqyndalýy tıis», - dedi Sanches.
