Abdýlla Gúl : Nursultan Nazarbaev – qazaq halqynyń kóregen kóshbasshysy
Onyń aıtýynsha, Túrkııa eli Qazaqstannyń táýelsizdigin birinshi bolyp moıyndaǵan memleket.
«Ózderińiz bilesizder, men Túrkııa elin jeti jyl basqardym. Prezıdent bolǵan jeti jyl ishinde men qurmetti Nursultan Nazarbaev myrzamen jumys isteýge múmkindik aldym. Sol kezde ony jaqynyraq tanyp bildim. HH ǵasyrdyń mańyzdy saıası oqıǵalardyń biri – Keńes Odaǵynyń ydyraýy boldy. Qurmetti Nazarbaev myrza damyǵan qazirgi Qazaqstannyń Prezıdenti, qazaq halqynyń uly kóregen kóshbasshysyna aınala aldy. Tuńǵysh Prezıdent retinde ol turaqty jáne senimdi memleket qurdy. El resýrstaryn tıimdi paıdalana otyryp, Qazaqstandy álemge ekonomıkalyq jáne áleýmettik qýatty memleket retinde tanytty,– deıdi Túrkııanyń eks-prezıdenti Abdolla Gúl .
Sonymen qatar, ol Elbasynyń bilim men ǵylymǵa erekshe mán bergenin atap ótti.
«Nazarbaev sońǵy shırek ǵasyrda Qazaqstan jastaryna otandyq jáne sheteldegi eń úzdik joǵary oqý oryndarynda bilim alýyna jaǵdaı jasady. Ol myqty naryqtyq jáne erkin ekonomıkany qalyptastyrdy. Qazaqstan Azııanyń juldyzy jarqyraǵan eli retinde álem nazaryn ózine aýdardy. Qazaqstan halyqaralyq platformada da úlken bedelge ıe. Sonymen qatar, kóptegen bastamalarǵa uıytqy boldy. Nazarbaev dúnıejúzilik memlekettik ınstıtýttarynyń qoldaýymen adaldyǵyna ıe bola tura, halqy úshin úlken kemeńgerlik pen parasattylyq tanytty. Ol Prezıdenttik qyzmetinen óz qalaýmen bas tartyp, jana býynǵa jolyn ashty. Bul – saıası tarıhtaǵy sırek kezdesetin oqıǵalarlyń biri»,– dedi spıker.
