Abdýlla Gúl Elbasyn kele jatqan 80 jyldyq mereıtoıymen quttyqtady

NUR-SULTAN. QazAqparat - Nursultan Nazarbaev Túrkııa Respýblıkasynyń burynǵy Prezıdenti Abdýlla Gúlmen telefon arqyly sóılesti, dep habarlaıdy QazAqparat Elbasynyń resmı saıtyna silteme jasap.

Abdýlla Gúl Elbasyn kele jatqan 80 jyldyq mereıtoıymen quttyqtap, myqty densaýlyq, baq-bereke men tolaıym tabys tiledi.

Túrkııanyń burynǵy Prezıdenti álemde bedeli joǵary, qýatty jáne órkendep kele jatqan Qazaqstannyń qalyptasýyndaǵy Nursultan Nazarbaev tulǵasynyń tarıhı mańyzyn atap ótti.

Elbasy Abdýlla Gúlge quttyqtaýy úshin shyn júrekten alǵysyn bildirip, Qazaqstan-Túrkııa strategııalyq qatynastaryn damytý jáne nyǵaıtý baǵytynda birlese jumys istegen jyldardy jyly sezimmen eske aldy.

Telefon arqyly sóılesýge túrik jaǵy bastamashy boldy.