Ábdirahmanov sırııalyq janjaldasýshy taraptardy arandatýdan abaı bolýǵa shaqyrdy
«Biz sırııalyq janjalǵa tartylǵan barlyq taraptardy Astanada qol jetkizilgen ári Jeneva protsesi qoldaýy tıis nátıjelerge nuqsan keltirýi múmkin kez kelgen arandatýshylyqtan, ymyrasyz málimdemeler men qoqan-loqydan abaı bolýǵa shaqyramyz. Biz Sırııadaǵy beıbitshilikti qoldaýǵa tıispiz. Biz búginde qol jetkizgen jetistikterimizdi qoldap, nyǵaıta túsýimiz qajet. Qazaqstan Úkimeti atynan taraptardy bir-birin tyńǵylyqty tyńdaýǵa shaqyramyn», - dedi Astanada ótken Sırııa jónindegi kezekti halyqaralyq kezdesýdiń qorytyndysynda sóz alǵan Qaırat Ábdirahmanov.
Sonymen qatar mınıstr Qazaqstan úshin mundaı jahandyq aýqymdaǵy sharany ótkizý zor mártebe ekendigin basa aıtty.
«Biraq, bizder úshin Sırııadaǵy qantógisti tez arada toqtatý jáne sırııalyqtardyń beıbit ómirge oralýy barynsha mańyzdy. Biz Astana protsesiniń barlyq taraptary búgingi kelissózderde qabyldanǵan barlyq ýaǵdalastyqty munan ary da ustana beretindigine, ózara túsinistikti nyǵaıtatyndyǵyna shynaıy senim artamyz», - dedi mınıstr.
