Ábdildá Tájibaev murajaıy jańa muraǵattarmen tolyǵady

QYZYLORDA. QazAqparat - Qyzylordada Á.Tájibaev atyndaǵy oblystyq ámbebap ǵylymı kitaphanasyndaǵy aqynnyń mýzeıi jańa muraǵattarmen tolyǵatyn boldy, dep habarlaıdy QazAqparat tilshisi.

Bul shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalary aıasynda qolǵa alynyp otyr.

Shıeli aýdanynda Qazaqstannyń halyq jazýshysy Ábdilda Tájibaevtyń 110 jyldyǵy joǵary deńgeıde atalyp ótti. Sol mádenı sharalardan keıin aqynnyń týystary Á.Tájibaev atyndaǵy oblystyq ámbebap ǵylymı kitaphanasynda aqynnyń mýzeıinde boldy. Aqynnyń ómiri men shyǵarmashylyǵy týraly estelikter aıtyldy.Aldaǵy ýaqytta mýzeı qoryn jańa jádigerler jáne fotosýrettermen tolyǵatyn boldy.

Budan buryn Shıeli aýdanynda «Syrda týǵan syrbaz aqyn» taqyrybynda oblystyq jyr músháırasy ótkizildi. Shara barysynda qazaqtyń ulttyq kúıleri oryndalyp, arnaıy qoıylym kórsetildi. Jas aqyndar jalyndy jyrlarymen júrekterdi jylytyp, óleńderin qazaq ádebıetiniń maıtalmany, aqyn Ábdildá Tájibaevqa arnady.

Sondaı-aq, qyzylordalyq oqýshylar Shıeli aýdanynda qazaq dástúrimen tanysty.