Ábdihalyq Bóribaev «Turan» klýby bas bapkeri qyzmetinen ketti

ASTANA. KAZINFORM - Bul jóninde komandanyń baspasóz qyzmeti málim etti.

Atalǵan sheshim túrkistandyq klýbtyń keıingi týrlardaǵy súreńsiz nátıjesine baılanysty qabyldanyp otyr. Osyǵan oraı klýbta bapkerlik shtabta ózgerister jasaldy. Onyń kómekshisi Artýr Avakıants ta bapkerler quramynan ketti.

Ábdihalyq Bóribaev bas bapker qyzmetine 25 maýsymda taǵaıyndalǵan edi.

Onyń basshylyǵymen komanda alty oıyn ótkizip, barlyǵynda jeńilistiń aşy dámin tatty. Endi olar 9 maýsymda syrt alańda «Atyraý» komandasymen kezdesedi. Qazir túrkistandyq klýb týrnır kestesinde 11 upaımen 13-oryndy mise tutyp tur.

Ábdihalyq Bóribaev 1969 jyly dúnıege kelgen. Ol budan buryn da komandada bas bapker qyzmetin atqardy. Túrkistandyq klýbty ekinshi lıgadan Premer-lıgaǵa deıin alyp shyqty. Tórt jyldaı buryn densaýlyq jaǵdaıyna baılanysty komandadan ketti.

Aıta ketsek, bıyl «Turanda» qarjy máselesine baılanysty bas bapker Vıtalıı Jýkovskıı men sheteldik fýtbolshylar ózge klýbtarǵa aýysty.