Abdel Fattah as-Sısı Mysyr prezıdenti bolyp saılandy
ASTANA. QazAqparat - Mysyrdyń Ulttyq saılaý komıssııasy naýryzdyń 26-sy men 28-i aralyǵynda ótken saılaýdyń qorytyndysyn jarııalady, dep habarlaıdy euronews.
Qazirgi prezıdent, 97 protsentten sál ǵana astam daýys jınaǵan Abdel-Fattah as-Sısı jeńiske jetti. Onyń jalǵyz qarsylasy "Al-Ged" partııasynyń tóraǵasy Mýssa Mýstafa Mýssany saılaýshylardyń 3 protsenti ǵana qoldaǵan.
Atap óter jaıt, bul saıası naýqanǵa saılaýshylardyń 41 protsenti ǵana qatysqan. Eldegi aýyr ekonomıkalyq jaǵdaıǵa qaramastan saılaý ýchaskelerine kelgen adamdar qazirgi prezıdentke senim artqan.
