Abaısyzda oq tıgen Pavlodar oblystyq densaýlyq saqtaý basqarmasynyń basshysy qyzmetine qaıta kiristi
ASTANA. QazAqparat - Pavlodar oblystyq densaýlyq saqtaý basqarmasynyń basshysy Nurlan Qasymov birneshe saǵatqa jumysyna oralyp, óz mindetine birtindep kirisýde, dep habarlaıdy pavlodarnews.kz.
Bul týraly óńirlik kommýnıkatsııalar qyzmetinde ótken baspasóz konferentsııasy barysynda oblystyq densaýlyq saqtaý basqarmasy basshysynyń m.a. Nurlan Orazalın málim etken.
- Qazirgi tańda Nurlan Qaýkenulynyń densaýlyǵy birqalypty. Pavlodarda. Ońaltý sharalarynan ótýde. Jumysqa kelip júredi. Degenmen resmı túrde densaýlyǵyna baılanysty ýaqytsha eńbekke jaramsyz bolyp esepteledi. Astanaǵa baryp, baqylaýdan ótýi kerek, - dedi Nurlan Orazalın.
Eske sala keteıik, 25 jeltoqsan kúni shamamen kúndizgi saǵat tórtte Nurlan Qasymov abaısyzda ańǵa shyqqan kezde sol ıyǵyn jaraqattap alǵan bolatyn. Bir saǵattyń ishinde vedomstvo basshysyna oblystyq aýrýhanada ota jasaldy. Budan keıin sanavıatsııa arqyly Astanaǵa respýblıkalyq travmatologııalyq ortalyqqa jetkizildi.
Ol Pavlodar oblysy densaýlyq saqtaý basqarmasynyń basshysy bolyp 2012 jyly taǵaıyndalǵan. Buǵan deıin bas dáriger Astana qalasy «Jedel medıtsınalyq kómek kórsetý respýblıkalyq ǵylymı ortalyǵy» AQ-nyń basshysy mindetin atqarǵan.
