Abaısyzda aýyldasyn óltirip alǵan jigit qamaýǵa alyndy
ASTANA. 27 naýryz. QazAqparat - Aqmola oblysynda abaısyzda kisi óltirdi degen kúdikpen Býrabaı aýdanyna qarasty Zlatopole eldi mekeniniń 23 jastaǵy turǵyny ustaldy.
Bul týraly búgin brıfıngte QR Іshki ister mınıstrliginiń resmı ókili Nurdildá Oraz málimdedi.
«Kúdikti aǵymdaǵy jylǵy 21 naýryz kúni óz úıiniń aýlasynda 44 jasar aýyldasyn ashý ústinde ıterip jiberip, nátıjesinde álgi azamat úıdiń tabaldyryǵyna basymen qulap, oqıǵa ornynda mert boldy. Sot-medıtsına saraptamasynyń qortyndysy boıynsha jabyq bassúıek-mı jaraqaty jábirlenýshiniń ólimine sebepshi bolǵan», - dep túsindirdi resmı ókil.
Atalmysh fakti boıynsha qylmystyq is qozǵalyp, kúdikti azamat ýaqytsha ustaý abaqtysyna qamaýǵa alyndy.
