Abaılyqtar kúrdeli otany medıtsınalyq saqtandyrý esebinen jasata alady

SEMEI. QazAqparat - Budan bylaı Abaı oblysynyń turǵyndary Mindetti áleýmettik medıtsınalyq saqtandyrý esebinen mı tamyrlaryn qalpyna keltirý boıynsha joǵary tehnologııalyq ota jasata alady, dep habarlaıdy QazAqparat.

Jergilikti kámidiktiń málimetinshe, Semeı qalasynda jedel medıtsınalyq járdem aýrýhanasynyń neırohırýrgııalyq bólimshesinde ıshemııalyq ınsýlt kezinde mı tamyrlaryna ekstra-ıntrakranıaldy mıkroanastomozdyń rekonstrýktıvti ota jasaý júrgizile bastady. Qazirgi ýaqytta eki operatsııa jasalǵan.

«Mamandar mundaı ota joǵary tehnologııalyq medıtsınalyq kómek sanatyna jatatynyn jáne MÁMS sheńberinde jedel medıtsınalyq járdem aýrýhanasynyń neırohırýrgııa bólimshesinde kórsetiletinin atap ótti. Sondyqtan naýqas adamnyń medıtsınalyq qyzmetterdiń barlyq túrin alýy úshin MÁMS júıesinde saqtandyrylǵan bolýy qajet», - dep jazdy vedomstvodan.

Áleýmettik medıtsınalyq saqtandyrý qory óńir turǵyndaryna MÁMS júıesinde tólemniń jańa balama ádisin paıdalanýdy usynady. 5 qyrkúıekten bastap turǵyndar aldyn-ala bir jylǵa saqtandyryla alady. Al oǵan deıingi 12 aıdaǵy qaryzdy óteýdiń qajeti joq.