«Abaılańyz - balalar!» jedel-aldyn alý is-sharasynyń daıyndyq kezeńi bastaldy - QR ІІM
ASTANA. 20 tamyz. QazAqparat - Búgin, 20 tamyz kúni ІІM Jol polıtsııasy komıtetiniń bastamasymen respýblıka boıynsha «Abaılańyz - balalar!» jedel-profılaktıkalyq is-sharasynyń daıyndyq kezeńi bastaldy.
Bul týraly Jol polıtsııasy komıtetiniń baspasóz qyzmetinen málim etti.
«Aktsııa jańa oqý jylynyń qarsańynda ótkiziledi. Statıstıka boıynsha, bul ýaqytta oqýshylardyń qatysýymen bolatyn jol-kólik oqıǵalarynyń sany kúrt ósedi. Demalys kezinde olar kólikpen baılanysty qaýip-qaterden saqtaný daǵdylaryn umytyp qalady, deıdi Jol polıtsııasy komıteti tóraǵasynyń mindetin atqarýshy Ermek Qusaıynov.
Daıyndyq kezeńin ótkizýdegi maqsattardyń biri balalar shoǵyrlanatyn oryndarda jol qaýipsizdigi ınfraqurylymyn baǵalaý bolyp tabylady. Osy kezeńde jol jáne kommýnaldyq qyzmetter ókilderimen birlesip, kóshe-jol jelileriniń jáne jalpy bilim beretin, mektepke deıingi mekemeler, qosymsha bilim beretin balalar uıymdarynyń jáne olardyń aýmaǵyna jaqyn ornalasqan oryndarda jol qozǵalysyn uıymdastyrýdyń tehnıkalyq quraldaryn paıdalaný jaı-kúıine tekserý júrgiziledi.
Kóliktik baqylaý organdary ókilderimen birlesip, jalpy bilim beretin mekemelerdiń qoldanystaǵy avtobýstarynda jolaýshylar tasymaldaýǵa lıtsenzııalardyń bar bolýyn qadaǵalaý, mektep oqýshylaryn tasymaldaýdy uıymdastyrý kezinde qaýipsizdik talaptarynyń saqtalýyna tekserý júrgizý júzege asyrylady.
Budan basqa, jergilikti atqarýshy organdarmen, PIK tóraǵalarymen birlese otyryp, turǵyn úı aımaqtarynda, aýla aýmaqtarynda, balalar men sporttyq alańdardyń mańynda jol qozǵalysy qaýipsizdigin qamtamasyz etý máseleleri boıynsha azamattarmen kezdesýler ótkizý josparlanǵan.
«Muǵalimder, ata-analar, oqýshylar men azamattarǵa balalar oqý mekemeleriniń janynda jol júrisin qamtamasyz etýge qatysty aryzdaryńyz, eskertýlerińiz ben usynystaryńyz bolsa Internettegi Jol polıtsııasy komıtetiniń «Suraq-jaýap» bólimindegi «Mektep jol ınspektory» arnaıy aıdaryna habarlaýǵa bolatynyn esterińizge salamyn»,- dep atap ótti E.Qusaıynov.
Óz kezeginde vedomstvo barlyq aryzdardy qarap, tıisti sharalar qabyldaıtyn bolady.
Sonymen qatar, jazǵy demalystardyń sońǵy kúnderi jolaýshy balalardyń qatysýymen bolatyn jol apattarynyń aldyn alý maqsatynda múddeli memlekettik organdarmen, azamattyq qoǵam ınstıtýttarymen birlesip, «Sizdiń jolaýshyńyz - bala!» atty profılaktıkalyq aktsııasyn ótkizý kózdelgen.
Budan basqa da birqatar is-sharalar josparlanǵan.
