"Abaıla, balaqaı!" aıasynda eń jas jaıaý júrginshilerdiń ata-analarymen birge "Ashyq sabaq" uıymdastyrylyp, ótkizildi

dep habarlaıdy Astana qalasy ІІD JPB baspasóz qyzmeti. Onyń maqsaty birinshi synyp oqýshylaryn jaıaý júrginshiler qataryna arnaý, balalardyń jazǵy uzaq ta qyzyq demalys kezeńinde qarqyndy kólik ortasynan shyǵyp qalýyna baılanysty, balalarǵa qala kósheleri men júris bólikterinde júrip turý, jol qozǵalysy qaýipsizdigi týraly esterine túsirý, balalardyń qatysýymen jol-kólik travmatıziminiń aldyn alý, eskertý jáne boldyrmaý bolyp tabylady.

Jol qozǵalysy qaýipsizdigi-eń mańyzdy, ári negizgi memlekettik másele. Osy máseleni sheshý kezinde asa mańyzdysy, ol jol qozǵalysy músheleriniń ishindegi eń kishkentaı jaıaý júrginshilerimiz - balalar. Sonymen qatar birinshi synyp oqýshylarynyń ata-analaryna arnalǵan "Paıdaly keńester" atty aqparattyq-tanyp bilerlik býkletteri úlestirildi. Onda túrli-tústi boıaýlarmen boıalǵan jol júrý Erejesi boıynsha mindetteri men jalpy jol qozǵalysy qaýipsizdigin sýretteıtin aqparattar baıandalǵan. Alǵashqy aılarda ata-analardyń balalaryn mindetti túrde mektepke alyp kelip, alyp ketýge tyrysýlaryn, balanyń jol júrý Erejesin jaqsy meńgergen jáne qatań saqtaǵan jaǵdaıda ǵana mektepke jalǵyz jiberýleri týraly paıdaly keńester berildi. Sondaı-aq, kishkentaı jaıaý júrginshilerge Astana qalasynyń Іshki ister departamentimen daıyndalǵan mýltfılmderi men túrli rolıkteri ınteraktıvti taqta arqyly kórsetildi.

Eń jas jol qozǵalysy múshelerine jol júrý Erejesiniń negizgi tártibine jáne qalanyń jol-kóshe tarmaqtarynda qaýipsiz júrip-turý tártibine daǵdylandyrý úshin oıyn júzinde jol belgileri men jol tańbalary túsindirilip, onda balalarǵa qalalyq avtobýstarǵa qalaı minip-túsý týraly, avtobýstardy aınalyp ótý, júris bóligin qalaı júrip ótken durys jáne jaıaý júrginshiler ótkelinen júrip ótý tártibi, jol Erejesin qatań saqtaý jáne velosıpedpen qalaı, qaı jerde júrý boıynsha oıyn túrindegi qyzyqty maǵlumattar berildi.

Balalar óz qylyqtarynda eresekterdiń minez-qulyqtaryn qaıtalaıtynyn, biz tyıym salý emes, tek durys áreketimizben ǵana balalardyń qaýipsizdigi bizge baılanysty. Sondyqtan, ata-analar men ustazdar balalardyń jol-kóshe tarmaqtaryndaǵy is-áreketterine jıi nazar aýdaryp, úıde ata-analar, mektepte ustazdar balalarǵa kólik jolyna shyqpas buryn, aldymen toqtap, birinshi solǵa, sosyn ońǵa qarap baryp joldan ótý qajettiligi týraly aıtyp otyrǵandary durys.

Qurmetti ata-analar men úlkender! Sizder ózderińizdiń jeke tártibińizben balalarǵa úlgi bola otyryp, qarapaıym jol júrý Erejesiniń talaptaryn saqtaǵandaryńyz abzal. Tek ózimizdiń jeke tártibimizben balalarymyzdy qaýip-qaterden aman saqtap qalamyz.