Abaıdyń, Jambyldyń, Mahambet tárizdi ulylardyń ata-tegi, tarıhy, áýleti zerttelýi kerek - jazýshy Smaǵul Elýbaı
MATY. 23 qarasha. QazAqparat /Názıra Eleýhan/ - Muhtar Áýezovteı alyp tulǵanyń ata-teginiń shejiresine arnalǵan kitaptaı Abaıdyń Jambyldyń, Mahambet tárizdi ulylardyń ata-tegi,
tarıhy, áýleti zerttelýi kerek.
Bul týraly búgin Almatyda QR Ulttyq kitaphanasynda qazaqstandyq shyǵystanýshy-ǵalym, tarıh ǵylymdarynyń doktory Áshirbek Mýmınniń «Muhtar Áýezovtyń tektik tarıhy» atty kitabynyń tanystyrylymynda belgili qalamger Smaǵul Elýbaı aıtty.
Jazýshynyń paıymdaýynsha, bul eń aldymen halyqqa, oqyrmanǵa kerek. "Ony halqymyzdyń tarıhyn bilýmenen para-par úlken taǵylymdy ónege dep bilemin. Órkenıetti elderdiń kóbinde, tipti myna Reseıdiń ózinde bir Pýshkın jaıly zertteýler óz shyǵarmalarynan birneshe ese kóp. Osy dástúr bizde de jalǵasyn tabýy kerek ",-dep atap ótti ol.
Smaǵul Elýbaı tusaýkeserde sondaı-aq «Muhtar Áýezovtyń tektik tarıhy» kitaby jaıyndaǵy oıyn bildirdi. "Kitaptyń qazaq oqyrmany úshin úlken mańyzy bar. «Óıtkeni, bizdiń tarıhymyzda jalpy qazaq dalasyna Orta Azııaǵa ıslamnyń qalaı kelýi qazaq ǵalymdary tarapynan úlken zertteý bolmaǵan sala bolatyn, bul kitapty sol salaǵa sáýle túsirgen ǵylymı eńbek dep bilemin. Bul kitap tek bir Áýezovtyń ata-teginiń shejiresi ǵana emes, jalpy Orta Azııaǵa din ıslamnyń sonaý Arab túbeginen qalaı kelgendigi jaıly aıtylǵan ǵylymı, salıqaly eńbek"-dedi S. Elýbaı.
