Abaıdyń týǵan jeri Syrt Qasqabulaqqa abattandyrý jumystary júrgizilmek

ÓSKEMEN. QazAqparat - Shyǵys Qazaqstan oblysynda uly aqynnyń kindik qany tamǵan jer -Syrt Qasqabulaqqa abattandyrý jumystary júrgiziledi, dep habarlaıdy QazAqparat.

ShQO ákiminiń orynbasary Baqytjan Baıahmetovtiń aıtýynsha, bıyl Abaıdyń 175 jyldyǵyna oraı Semeı qalasy men Abaı aýdanynda túrli mádenı nysandar salýǵa jáne jóndeýge, sondaı-aq abattandyrý men kógaldandyrý jumystaryna baǵyttalǵan 88 joba iske asyrylmaq.

«Atap aıtsaq, Abaı aýdanynyń ortalyǵy Qaraýyl aýylynda 300 oqýshyǵa arnalǵan mektep salynyp, oblystyq mańyzy bar kólik joldary jóndeledi. «Jıdebaı» memorıaldyq kesheninde Abaı atyndaǵy mýzeıdiń qurylysy júrgizilip, hákimniń týǵan aýyly Syrt Qasqabulaq abattandyrylady» - deıdi ol.

Esterińizge sala ketsek, osyǵan deıin ShQO-da Abaı mereıtoıyna oraı 560 shara ótetini habarlanǵan bolatyn.