Abaıdyń ilimin jas urpaqqa sińirý qajet - Mekemtas Myrzahmetov
ALMATY. Sáýirdiń 9-y. QazAqparat /Ádilet Musahaev/ - Abaı qazaq halqynyń rýhanı qazyǵy, adastyrmas joly. Al Abaıdy taný kóp jaǵdaıda jan-jaqty bilimdarlyqty qajet etedi.
Bul jaıynda búgin fılologııa ǵylymdarynyń doktory, professor, Memlekettik syılyqtyń ıegeri Mekemtas Myrzahmetov aıtty, dep habarlaıdy QazAqparat.
M.Myrzahmetovtyń aıtýynsha, Abaıdyń qalyptasýynda rýhanı úsh bulaǵy bolǵan. «Biz osy úsh bulaqtyń ekeýin qýalap kettik te, bireýin saıasat jaýyp tastady. Abaıdyń shyǵysqa qatynasy múlde zerttelmeı qaldy. Abaıdy zertteýge kelgen adam, onyń jolymen júrý kerek. Abaıdyń joly - adamdyqtyń joly. Sondaı-aq oǵan úlken daıarlyq kerek, soǵan baılanysty biraz ǵalymdardy daıyndadyq», deıdi professor.
«Biz batys ta, shyǵys ta emes, túrki eliniń azamaty, ıaǵnı qazaq bolyp qala beremiz. Sol qalypta júrsek qana ózimizdi, saltymyzdy saqtaımyz. Sony saqtaýǵa birinshi tirek bolatyn Abaıdyń ilimi. Biz Abaıdyń «Tolyq adam» iliminiń esigin ashtyq, al onyń qabattarynda ne jatqanyn áli asha alǵanymyz joq. Endigi zertteýdi soǵan qaraı buryp, Abaıdyń ilimin jas urpaqqa sińirý qajet», deıdi Mekemtas Myrzahmetov.
