Abaıdyń balalyq shaǵyn beıneleıtin mýltfılm túsirilýde
ASTANA. 24 maýsym. QazAqparat - Qazaqtyń barynda Abaı esimi eshqashan óshpeıdi. Uly ǵulama týraly búginge deıin kóptegen kitaptar jaryq kórdi,
fılmder túsirildi, ǵylymı eńbekter jazyldy. Endi aldaǵy ýaqytta Abaı atamyzdy mýltfılmnen kóretin bolamyz.
Qytaıdyń Úrimshi qalasyndaǵy qandastar Abaıdyń balalyq shaǵyn beıneleıtin 3D formatyndaǵy kópserıaldy mýltfılm túsirip jatyr. Mundaǵy maqsat - bala Abaıdy jas jetkinshekterge úlgi etip, danalyǵyn boılaryna sińirý. Mýltfılmniń mazmuny da, aty da - «Abaıdyń balalyq shaǵy». Túsirilimi jýyrda bastalady.
Mýltfılm tek qazaqqa arnalmaǵan. Dana atamyzdy barsha ult tanysyn degen nıetpen ol qytaı, orys, uıǵyr tilinde de shyǵarylmaq. Keıinnen taǵy birneshe shet tilderge aýdarylady. Árqaısysy 13 mınýttan turatyn 104 serııada Abaıdyń balalyq shaǵy túgel baıandalmaq.
«Abaı joly» anımatsııalyq kompanııasynyń dırektory Ǵusman Qajytaıdyń aıtýynsha, Abaıdyń ıdeıasy búkil adamzattyń ıdeıasy. Bala - bolashaq. Eger balalar Abaıdyń balalyq shaǵyn bilip er jetetin bolsa, bolashaqta Abaıdyń kim ekenin, Abaı ıdeıasynyń qandaı ekenin, qazaqtyń kim ekenin bile alady.
Abaıshyl anımatorlar taǵy bir ıgi is bastapty. Mıllıondaǵan kórermenniń kóńilinen shyqqan «Jaýjúrek myń bala» fılminiń kompıýterlik oıynyn jasaýda. Oıynda jońǵar-qazaq soǵysy baıandalady. Sol kezdegi jaýyngerler keıpi, olardyń qarýlary , kólikteri, túgeldeı tarıhı derekterge súıene jasalǵan. Oıynshylar onlaında qazaq nemese jońǵar jaǵyn tańdap bir-birimen vırtýaldy urys júrgize alady.
Qandastarymyz qos jobany da «Qazaqfılm» kınostýdııasymen birlesip jasaýda. Bul týraly "Qazaqstan» ulttyq arnasy habarlaıdy.
