Abaıdyń 3 tomdyq akademııalyq tanymdyq jınaǵy jaryqqa shyǵady
«Adamzattyń alǵashqy ustazy Arıstotelden bergi búkil ustazdardyń, klassıkterdiń qaı-qaısymen de Abaıdy terezesi teń turatyn danyshpan dep esepteımiz. Qazaqstannyń Jazýshylar odaǵy Abaıdyń 175 jyldyq mereıtoıyna oraı aqynnyń poezııalyq kúntizbesin shyǵardy. Sonymen qatar ınteraktıvti kitabyn daıyndadyq. Ol qazir óndiriste. Interaktıvti kitapta Abaıdyń óleńderi, qara sózderi, ánderi, kúıleri barlyǵy dybystalyp oryndalady. Ony Qazaq radıosynyń úzdik dıktorlary, qazaqtyń arǵy-bergi ǵajaıyp áshileri oryndaıdy. Tehnologııanyń ozyq zamanynda mundaı kitap taptyrmaıtyn dúnıe sanalady. Ony fleshka, dıski túrinde tarata berýge bolady», - dedi Ulyqbek Esdáýlet.
Sonymen qatar ol búkil qarjynyń koronavırýspen kúreske jumsalýyna baılanysty Almaty qalasynyń is-sharalar josparyna kirgenimen iske aspaı turǵan bir shara bar ekendigin aıtty.
«Ol Jazýshylar odaǵynyń aldyna Abaıdyń keýde músinin ornatý bolatyn. Odan basqa Abaıdyń shyǵarmalary 10 tilge aýdarylyp, qazir jaryqqa shyǵyp jatyr. Munan bólek M.Áýezov atyndaǵy Ádebıet jáne óner ınstıtýty daıyndaǵan Abaıdyń 3 tomdyq akademııalyq tanymdyq jınaǵy jaryqqa shyǵady. Oǵan elimizdiń Prezıdentiniń ózi bas-kóz bolyp, baqylaýyna alyp otyr», - dedi Jazýshylar odaǵynyń tóraǵasy.
Aıta keteıik, qazaqtyń uly aqyny Abaıdyń 175 jyldyq mereıtoıyna oraı QR Memlekettik hatshysy Qyrymbek Kósherbaev bastaǵan bir top memleket jáne qoǵam qaıratkeri elordadaǵy Abaı eskertkishine saltanatty jaǵdaıda gúl shoqtaryn qoıǵan edi.
Esterińizde bolsa taıaýda Qazaqstan Úkimetiniń qaýlysymen 10 tamyz Abaı kúni bolyp belgilendi.
