Abaıdyń 175 jyldyǵyna oraı Almatyda ádebı ortalyq ashyldy

ALMATY. QazAqparat – Ulttyq kitaphanyń «Qazaqstan kitaptary» oqý zalynda Abaıdyń 175 jyldyǵyna arnalǵan Abaı ádebı ortalyǵy ashyldy, dep habarlaıdy QazAqparat tilshisi.

Sharaǵa aqynnyń urpaqtary, belgili jazýshylar, qoǵam qaıratkerleri, ǵalymdar, Almaty qalasy ákimdiginiń ókilderi, oqytýshylyr men JOO stýdentteri qatysty.

Abaı ádebı ortalyǵynyń maqsaty – qazaq ádebıetiniń negizin qalaýshy, klassıgi Abaıdyń rýhanı murasyn keńinen nasıhattaý.

Ádebı ortalyq kitaphana qorynan Abaı shyǵarmalarynan jáne ol týraly materıaldardan ashyq qoljetimdi kórme usynady. Onda aqyn ómiri men shyǵarmashylyǵyna arnalǵan materıaldar, aqyn shyǵarmalary men álem halyqtarynyń túrli tilderindegi aýdarmalary, belgili abaıtanýshylardyń, fılologtar men jazýshylardyń eńbekteri, elektrondyq jáne mýzykalyq basylymdar, Abaıdyń tolyq shyǵarmalary qoıylǵan.

«Abaıdyń ádebı ortalyǵyn qurý zańdy jáne fılosofııasyn jappaı zertteý salasyndaǵy shyǵarmashylyq jobalar men kóptegen is-sharalardy uıymdastyrýǵa úlken múmkindikter ashady. Sondaı-aq, ortalyq áıgili jazýshylarmen jáne aqyndarmen kezdesý, taqyryptyq baıqaýlar men ekskýrsııalar, beıneleý óneri kórmelerin, Abaı shyǵarmalaryn bilýge arnalǵan joǵary deńgeıli oqýlardy uıymdastyrýǵa jaǵdaı jasaıdy», - deıdi Ulttyq kitpahana dırektory Baqytjamal Ospanova.

Shara barysynda uly aqynnyń óleńderi oqylyp, ánderi oryndaldy. Abaı men Muhtar Áýezovtiń týystary estelik aıtty.

Sondaı-aq, jınalǵandarǵa teatrlandyrylǵan qoıylym men kitap kórmesi usynyldy.