Abaıdyń 175 jyldyǵy: 40 myńnan astam aqmolalyq dıktant jazdy

KÓKShETAÝ. QazAqparat - Abaıdyń 175 jyldyǵyna oraı Kókshetaýda 103 uıym men mekemedegi 40 myńnan astam adam «Asyl sózdi izdeseń...» taqyrybymen jalpyqalalyq dıktantqa qatysty, dep habarlaıdy QazAqparat tilshisi qalalyq mádenıet jáne tilderdi damytý bólimine silteme jasap.

«Dıktantty jasy 15-ten joǵary 40 myńnan astam adam jazdy. Olardyń arasynda oblys ortalyǵyndaǵy qalalyq mekemeler men uıymdardyń eńbek ujymdary, ádilet qyzmetkerleri, tsıfrlyq qyzmet kórsetý ortalyǵy, bank salasy, densaýlyq saqtaý, BAQ, ókilderi, oqýshylar men stýdentteri bar.

Dıktanttyń mátini retinde Memleket basshysy Qasym-Jomart Toqaevtyń «Abaı jáne Qazaqstan HHІ ǵasyr» maqalasynan úzindi alyndy», - dedi Kókshetaý qalalyq mádenıet jáne tilderdi damytý bóliminiń basshysy Aıgúl Sábıtova.

Dıktantqa qala basshysy Amangeldi Smaıylov ta qatysty.

Uıymdastyrýshylardyń aıtýynsha, 40 051 qatysýshynyń 10 012-si memlekettik qyzmetshi, 9 372-si azamattyq tulǵa, 8 010-ny kásiporyn eńbekkeri, 572-si tilderdi oqytý ortalyǵynyń tyńdaýshysy, 6 249-sy stýdent jáne 5 836-sy oqýshy. Dıktant sapasy 96,6 paıyzǵa baǵalandy.