«Abaıdy qazaqtan keıin eń kóp oqyǵan - qyrǵyz» - respýblıkalyq basylymdarǵa sholý
***
«Keshe ǵana talaı almaǵaıyp kúnderdi bastan keshken qyrǵyz aǵaıyndardyń astanasy - Bishkek shahary bul kúnderi shattyqqa toly jaqsy oqıǵalardy ótkerýde. Aıyr qalpaqty aǵaıyndardyń bas qalasynda ótip jatqan Qazaqstannyń mádenı kúnderin bóle-jaryp aıtýdyń da ózindik jóni bar. Óıtkeni, Osh oqıǵasynan keıin munda aıaq basqan «kórshi» joq. Onyń ústine sońǵy eki jyldyń aıasynda TMD elderi kóshbasshylarynyń arasynan alǵashqy bolyp qyrǵyz baýyrlardyń aýylyna Qazaqstannyń Prezıdenti Nursultan Nazarbaev kelmek», - dep jazady «Egemen Qazaqstan» basylymy. Gazettiń jazýynsha, dál qazirgi ýaqytta túrkitildes memleketter aýyzbirshilikke asa muqtaj. Álemde osy halyqtardyń ishinde qazaq pen qyrǵyzdan asqan týysqan el bolyp kórgen joq. «Qazaq Manasty qalaı qurmettese, qyrǵyz da Abaıdy solaı qasterleıdi. Qazaq Shyńǵys Aıtmatovty óz ulyndaı súıse, qyrǵyz da Muhtar Áýezovti sonshalyqty dáripteıdi. Qazaqtan keıin Abaıdy kóp oqyp ósken el - qyrǵyz! - dedi Qyrǵyz eliniń vıtse-mınıstri»,-delingen basylymnyń búgingi sanynda «Abaıdy qazaqtan keıin eń kóp oqyǵan - qyrǵyz» atty maqalasynda.
Aqtaý qalalyq sotynda V.Kozlov, A.Ámınov jáne S.Saparǵalıǵa qatysty qylmystyq is boıynsha sot isin qaraý júrip jatyr. Sottalýshylar 2011 jyldyń jeltoqsanynda Jańaózen qalasynda tártipsizdikterge alyp kelgen áleýmettik óshpendilik pen alaýyzdyq otyn jaqty dep aıyptalýda.Sot ashyq rejimde ótip jatyr, sot májilisine sottalýshylardyń týysqandary, BAQ ókilderi men baıqaýshylar, onyń ishinde, halyqaralyq baıqaýshylar qatysýda. Sot májilisi bastalǵaly beri 10 kýáger suraldy. Kýágerler retinde «Ózenmunaıgaz» ÓB-niń burynǵy dırektory K.Eshmanov, Eńbek jáne halyqty áleýmettik qorǵaý vıtse-mınıstri B.Nurymbetov, oblys ákiminiń burynǵy birinshi orynbasary A.Aıtqulov, sondaı-aq «Qarajanbasmunaı» AQ kásipodaǵynyń burynǵy zańgeri N.Sokolova jáne basqalar sóz sóıledi. Bul jaıynda «Egemen Qazaqstan» basylymynyń búgingi sanyndaǵy aqparat «Іshinara kinálaryn moıyndady» atty taqyryppen jaryq kórdi.
***
«Aıqyn» basylymy búgingi sanynda «Jahandyq qozǵalystyń beldi ókilderi Astanaǵa kelmek» atty maqala basty. «Aldaǵy aptanyń basynda ıadrolyq qarýǵa qarsy jahandyq qozǵalystyń bedeldi ókilderi álemniń ár shetinen Astanaǵa aǵylmaq. 27-29 tamyz aralyǵynda qazaq eliniń bas qalasynda «ıAdrolyq synaqtarǵa tyıym salýdan - ıadrolyq qarýdan azat álemge» atty halyqaralyq konferentsııa ótedi. Oǵan Qazaqstan Kóshbasshysy qatysyp, álemdik qoǵamdastyqqa úndeýmen jáne usynystarmen qaıyrylady...» dep jazady basylym.
***
«Alash aınasy» basylymynyń jazýynsha, qazaq eli sońǵy 10 jylda alyp qurylys alańyna aınalǵany ras. Alaıda osynsha qarqynda damyp jatqan salanyń kem-ketik tustary da joq emes. Otandyq qurylys materıaldaryn shyǵarýda jáne ony saýdalaýda kezdesetin problemalar jaıynda gazet tilshisi Baqytgúl Babash jan-jaqty saraptaý jasaı kele oıyn bylaı túıindepti: «Qurylys ındýstrııasynyń órkendeýine qajetti materıaldar shyǵaratyn óndiris oryndary, ony tutynatyn merdiger mekemeler, jeke turǵyn úı salatyn azamattar teń dárejede úles qossa ǵana búgingi qarqynnan quldyramasymyz anyq. Bul óz kezeginde áleýmettiń áleýetin arttyryp, shahardyń da shyraıyn keltirer edi...». Bul maqala gazettiń búgingi sanynda «Qurylys qurdymǵa ketpesin desek...» atty taqyryppen jaryq kórdi.
«London Olımpıadasynan keıin ár oblys óz batyrlaryn qurmetpen kútip alyp, máre-sáre bolyp jatyr. Kóptegen oblys ortalyǵynda qýanyshqa toly sherý uıymdastyrylyp, kóshe-kóshede merekelik kórinis tapty.. Degenmen oblystardyń jetistigin saralaı qalsańyz, Ońtústik Qazaqstannyń jerge qaraıtyny ózekti órteıtin ókinish bolyp tur. Halqy tyǵyz ornalasqan ońtústikten Olımp shyńynan dámeli 13 sportshy attanǵan bolatyn. Bireýi de júldege ilige almady»,- dep jazady basylym. Ońtústik Qazaqstandyq sportshylardyń bul jolǵy Olımpıadadan oljasyz oralýynyń syry nede? Osy suraqtyń jaýabyn bilý maqsatynda gazet tilshisi arnaıy jýrnalıstik zertteý jumystaryn júrgizgen eken. Bul maqala «London Olımpıadasynda ońtústik nege oljasyz qaldy?» degen taqyryppen berildi.
***
Qazaqstan Respýblıkasynyń Qytaı Halyq Respýblıkasy men Vetnam Sotsıalıstik RespýblıkasyndaTótenshe jáne Ókiletti Elshisi mindetin qosa atqarýshy Nurlan Ermekbaev Hanoıda Vetnam Prezıdenti Chyong Tan Shangýǵa senim gramotasyn tapsyrdy. Saltanatty rásimnen keıingi áńgime barysynda atalǵan eldiń basshysy Qazaqstannyń óńirdegi bedeli men tolaǵaı tabystary artyp otyrǵandyǵan atap ótti. Sonymen qatar Chyong Tan Shangtiń Qazaqstanǵa aldaǵy sapary jónindegi máseleler sóz boldy. Bul materıal «Kazahstanskaıa pravda» gazetinde «Prezıdent Vetnama prıedet v Kazahstan» atty taqyryppen basyldy.
