Abaıdyń jıeni Baltabek Ersálimov ómirden ótti

SEMEI. KAZINFORM – Belgili ólketanýshy, jýrnalıst, fılolog, hakim Abaıdyń jıeni Baltabek Ersálimov ómirden ótti. Bul týraly QR Mádenıet jáne aqparat mınıstrligi habarlady.

Qazaqstannyń eńbek sińirgen qaıratkeri, Semeı qalasynyń jáne Abaı oblysynyń Qurmetti azamaty Baltabek Ersálimov 86 jasynda dúnıeden ótti. QR Mádenıet jáne aqparat mınıstrligi ólketanýshynyń otbasy men týǵan-týystaryna qaıǵylaryna ortaqtasyp kóńil aıtady.

Baltabek Ersálimov 1938 jyly 28 aqpanda qazirgi Abaı oblysy Semeı qalasynda dúnıege kelgen. Qazaqstan Jýrnalıster odaǵynyń múshesi, «Eńbek ardageri», «Tyńǵa 50 jyl» medaldarynyń jáne «Qurmet» ordenderiniń ıegeri.

Abaı Qunanbaıuly, Shákárim Qudaıberdiuly, Muhtar Áýezov shyǵarmalaryn nasıhattaýǵa belsene qatysqan. 1992 jyly «Abaı» jýrnalynyń qaıta jandanýyna zor úles qosty. «Abaıdyń aqyn shákirtteri» jınaǵynyń jaýapty shyǵarýshysy.