Abaıdyń mereıtoıy Djeı Lo kontsertiniń kóleńkesinde qalyp qoımady ma
ASTANA. KAZINFORM – 1-10 tamyz aralyǵynda el aýmaǵynda uly aqyn Abaıdyń 180 jyldyq mereıtoıyna oraı onkúndik ótip jatyr. Sonymen qatar elimizde alǵash álemdik juldyz Djennıfer Lopes kontsert berip jatyr.
Ortalyq kommýnıkatsııalar qyzmeti alańynda ótken baspasóz máslıhatynda «Abaıdyń 180 jyldyq mereıtoıy Djennıfer Lopestiń kontsertimen tuspa-tus keldi. Mereıtoı Djeı Lonyń kontsertiniń kóleńkesinde qalyp qoıǵan joq pa?», degen saýal qoıyldy.
- Abaı Qunanbaıulynyń 180 jyldyǵy - aýqymdy is-shara. Jyl basynan beri 5 myńnan astam ártúrli deńgeıdegi is-shara ótip jatyr, jyl aıaǵyna deıin jalǵasady. Sondyqtan Uly Abaıdyń mereıtoıy Djennıfer Lopes kontsertiniń kóleńkesinde qalyp qoımaıdy degenge tolyǵymen jaýap beremin, qalmaıdy. Óıtkeni, aýqymdy is-sharalar ótip jatyr, sondyqtan da kóleńkede qalmaıdy, - dep jaýap berdi Mádenıet jáne aqparat mınıstrligi Mádenıet komıtetiniń tóraǵasy Erlan Dákenov.
Aıta keteıik, Abaı Quiz zııatkerlik oıyny elimizdiń rekordtar kitabyna enýi múmkin.
Eske salaıyq, 1 tamyzda amerıkalyq pop-juldyz Djennıfer Lopes Astanada kontsert berdi.
Al 10 tamyzda Almatynyń Ortalyq stadıonynda álemdik ánshiniń kezekti kontserti ótedi.