Abaıdyń 180 jyldyǵy: 180 shaqyrymdyq ýltramarafonda batysqazaqstandyq jelaıaq top jardy
ASTANA. KAZINFORM — Abaıdyń 180 jyldyǵyna oraı Abaı oblysynda 180 shaqyrymdyq respýblıkalyq «Abai Joly 100 miles» ýltramarafony máresine jetti.
Atalmysh jarysqa Qazaqstannyń barlyq óńirinen, sondaı-aq Reseı, Qytaı jáne Ózbekstannan 30-dan astam jelaıaq qatysty.
Júlde qory – 10 mln teńge. Absolıýtti chempıonǵa JETOUR X50 avtokóligi beriledi dep josparlanǵan.
Ýltramarafon 7 tamyz kúni saǵat 17.00-de Semeıde bastalyp, búgin Qaraýyltóbede aıaqtaldy.
Batysqazaqstandyq jelaıaq, 31 jastaǵy Baýbek Іlııasov 180 shaqyrymdyq qashyqtyqty 19 saǵat 9 mınýt 45 sekýndta baǵyndyryp, jeńimpaz atandy.
Batys Qazaqstan oblysynyń Kaztalov aýdanynda týyp-ósken Baýbek Іlııasov – osyǵan deıin de marafondyq qashyqtyqtarda baq synap, júlde alyp júrgen jelaıaq.
Eske sala keteıik, budan buryn batysqazaqstandyq jelaıaqtyń 230 shaqyrymdy júgirip ótkenin jazǵan edik.