Abaı, Jetisý jáne Ulytaý oblystarynan Senat depýtattary saılaý ótedi

NUR-SULTAN. QazAqparat - 24 tamyzda Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý ótedi, dep habarlaıdy QR Ortalyq saılaý komıssııasynyń baspasóz qyzmeti.

Senat depýtattaryn tańdaýshylar - máslıhattardyń depýtattary bolyp tabylatyn respýblıka azamattary janama saılaý quqyǵy negizinde jasyryn daýys berý arqyly saılaıdy.

Parlament Senatynyń depýtattaryn saılaý tańdaýshylardyń birlesken otyrysynda ótkiziledi, otyrys saǵat 11.00-de (elorda ýaqytymen) bastalady.

Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýda tańdaýshylardy tirkeý saǵat 10.00-de (elorda ýaqytymen) bastalady.

Parlament Senatyndaǵy 6 mandatqa 12 kandıdat úmitker bolyp otyr.

Barlyq úsh óńirdegi tańdaýshylardyń jalpy tizimine 346 máslıhat depýtattary engizilgen.

Daýys berý kúni Ortalyq saılaý komıssııasynyń ınternet-resýrsynda tómendegi siltemeler boıynsha onlaın baıqaý servısteri jumys isteıtin bolady.

Saılaý kúniniń barysy týraly aqparat QR OSK telegram-arnasynda jarııalanyp otyrady - https://t.me/electionelection.