«Abaı jastary» turǵyn úı baǵdarlamasy bastalady

ASTANA. KAZINFORM — Semeı qalasy ákimdigi «Otbasy bank» AQ birlesip 2026 jyldyń 5 qańtarynan bastap «Abaı jastary» baǵdarlamasyn iske qosady, dep habarlaıdy qala ákimdiginiń baspasóz qyzmeti.

— Baǵdarlamaǵa 18–35 jas aralyǵyndaǵy Semeı qalasynyń jastary qatysa alady. Onyń ishine túrli salada eńbek etip júrgen jas mamandar men jas otbasylar kiredi. Qujattardy qabyldaý aǵymdaǵy jyldyń 5 qańtarynan bastalady, — delingen habarlamada.

Qatysý sharttary Semeı qalasy ákimdiginiń resmı saıtynda jáne @semey_turgyn_ui_bolimi, @otbasybank_semey ınstagram paraqshalarynda jarııalanady.

Budan buryn 1 qańtardan bastap óńirlik ıpotekalardyń bastapqy jarna sertıfıkaty 2,5 mln teńgege ósetinin jazǵanbyz.