Abaı jáne Jetisý oblystarynda jolshylar kúsheıtilgen jumys rejımine kóshti

ASTANA. QazAqparat - Aýa raıynyń qolaısyzdyǵyna baılanysty Abaı jáne Jetisý óńirlerinde jolshylar kúsheıtilgen jumys rejımine kóshti, dep habarlaıdy QazAqparat.

Aýa raıynyń kúrt ózgerýi jol qyzmetteri men júrgizýshilerge qıyndyq týǵyzyp otyr.

Búgin túnde atalmysh eki óńir boıynsha 65 arnaıy tehnıka kezekshilik pen qysqy kútip ustaý jumystaryn atqarady.

«Joldaǵy ahýal táýlik boıy baqylaýda. Jolshylar respýblıkalyq tasjolda qalǵan kólik ıeleri men jolaýshylarǵa kómek kórsete bastady» dep habarlady «QazAvtoJol» kompanııasynan.

Eske sala keteıik, munyń aldynda «Almaty - Óskemen» jolynda tirkemeli júk kólikteriniń qozǵalysyna tyıym salynǵan edi.

Altynemel asýynda kóliktiń barlyq túrine jol jabylyp, respýblıkalyq mańyzy bar «Saryózek-Kóktal» avtojolynda shekteý engizildi.