«Abaı jáne XXI ǵasyrdaǵy Qazaqstan»: «Otyrar» mýzeı-qoryǵynda kórme ashyldy
ASTANA. KAZINFORM – Abaı kúni qarsańynda «Otyrar» memlekettik arheologııalyq mýzeı-qoryǵynda «Abaı jáne XXI ǵasyrdaǵy Qazaqstan» atty kitap kórmesi uıymdastyryldy.
Kórmege Abaı Qunanbaıulynyń shyǵarmalary, aqynnyń ómiri men shyǵarmashylyq murasyn zertteýge arnalǵan ǵylymı eńbekter, sondaı-aq ádebı jáne tanymdyq basylymdar qoıyldy.
Mádenıet jáne aqparat mınıstrligi málimetinshe, munda uly oıshyldyń qazaq ádebıeti men rýhanııatyndaǵy orny jáne onyń oı-tujyrymdarynyń máni týraly aqparat berilgen. Kitap kórmesinde Abaı óleńderi men «Qara sózderindegi» bilim, ǵylym, eńbek, adamgershilik, el birligi jáne ulttyq sana taqyryptary keńinen qamtylǵan.
Aqyn dáriptegen bul qundylyqtar búgin de mańyzyn joǵaltpaı, qoǵam úshin rýhanı baǵdar bolyp otyr. Atalmysh kórme bir apta boıy jalǵasady.
Kópshilik Abaıdyń shyǵarmashylyq murasymen qatar, aqynnyń ulttyq mádenıettiń damýyna qosqan úlesine arnalǵan basylymdarmen tanysa alady.
Aıta keteıik, Almatyda Abaı kúnine oraı ádebı, mádenı jáne aǵartýshylyq baǵyttaǵy birqatar is-shara uıymdastyrylady.
