Abaı jáne Pavlodar oblystarynda kólik qozǵalysyna shekteý engizildi
ASTANA. KAZINFORM — Aýa raıynyń kúrt nasharlaýyna baılanysty respýblıkalyq mańyzy bar birqatar avtojoldarda barlyq kólik túrleriniń qozǵalysy ýaqytsha toqtatyldy.
5 jeltoqsan kúni saǵat 00:00-de boran, kórinýdiń tómendeýi jáne kóktaıǵaqqa baılanysty Abaı oblysynyń kelesi ýchaskesinde qozǵalys shekteldi:
-
«QHR shekarasy – Maıqapshaǵaı – Zaısan aınalma joly – Qalbataý – Semeı – Pavlodar – RF shekarasy»;
-
587–733 shaqyrym — Pavlodar oblysy shekarasynan Semeı qalasyna deıin.
Pavlodar oblysynda da dál osy ýaqyttan bastap aýa raıynyń buzylýyna baılanysty qozǵalysqa shekteý qoıyldy:
-
«KAZ07: QHR – Maıqapshaǵaı – Zaısan aınalma joly – Qalbataý – Semeı – Pavlodar – RF shekarasy, «Ýrlıýtıýbe» ótkizý pýnkti»,
-
427–587 shaqyrym — Pavlodar qalasynan (Kenjekól k.) Abaı oblysynyń shekarasyna deıin.
- Joldardy 2025 jylǵy 5 jeltoqsan saǵat 07:00-de ashý josparlanyp otyr.
Qosymsha aqparatty táýlik boıy 1403 baılanys ortalyǵynan alýǵa bolady, - delingen QazAvtoJol habarlamasynda.
Aıta keteıik, bıyl aqyly avtojoldardan bıýdjetke 72 mlrd teńge túsken.