Abaı jáne Qyzylorda oblystarynyń agrarshylary Astanaǵa 830 tonnadan astam ónim ákeledi

ASTANA. KAZINFORM - Osy demalys kúnderi, 28-29 qyrkúıekte Astanada Abaı jáne Qyzylorda oblystarynyń taýar óndirýshileriniń qatysýymen iri aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty.

Eki oblystyń agrarshylary Astanaǵa naryqtyq baǵadan tómen baǵamen 830 tonnadan astam joǵary sapaly aýyl sharýashylyǵy ónimin ákeledi. Satylatyn taýarlar tiziminde: et, kúrish, balyq, kókónister men jemister, ósimdik maıy, sút ónimderi, bal, qymyz, shujyq ónimderi, baqsha daqyldary, as tuzy, sondaı-aq sút jáne kondıterlik ónimder bar.

Jármeńkeni ótkizý barysynda elorda turǵyndary men qonaqtary Abaı jáne Qyzylorda oblystarynyń ártisteriniń qatysýymen oıyn-saýyq kontserttik baǵdarlamasyn tamashalaı alady. Aýylsharýashylyq jármeńkesi Saǵat 9.00-den 18.00-ge deıin ashyq bolady.

Esterińizge sala keteıik, bıyl jármeńke «Qazanat» ıppodromyna qarama-qarsy, Qarqaraly tas joly, 1-de ótedi. Elorda turǵyndary men qonaqtaryna yńǵaıly bolýy úshin ony ótkizý kezeńinde № 18, 37, 303 jáne 323 avtobýs marshrýttary júredi.

Jármeńkeler ár demalys kúnderi 27 qazanǵa deıin ótedi.