Abaı shyǵarmashylyǵy týraly júzge jýyq ǵylymı eńbek jaryq kórdi
ASTANA. KAZINFORM — EUÝ janyndaǵy «Abaı akademııasy» ǵylymı-zertteý ınstıtýtynyń ǵylymı hatshysy, fılologııa ǵylymdarynyń kandıdaty Aıman Aqtanova abaıtaný salasyndaǵy irgeli eńbekter jóninde málimdedi.
— EUÝ janyndaǵy «Abaı akademııasy» ǵylymı-zertteý ınstıtýty 2019 jyly Prezıdent jarlyǵymen quryldy. Sodan beri 94 ǵylymı monografııa jaryq kórdi. Olardyń arasynda EUÝ ǵalymdarynyń ǵana emes, búkil Qazaqstandaǵy zertteýshilerdiń jumystary bar, ıaǵnı elimizdegi abaıtanýshylardyń eńbegi bir jerge shoǵyrlandyrylǵan. Atalǵan zertteýlerdi oqytýshylar da, stýdentter de keń kólemde qoldanyp keledi, — dedi ol Ortalyq kommýnıkatsııalar qyzmetinde ótken baspasóz konferentsııasynda.
Sonymen qatar, abaıtaný salasyndaǵy ǵylymı eńbekterde aqyn shyǵarmashylyǵy tek fılologııalyq emes, fılosofııalyq, psıhologııalyq, áleýmettik t. b. jaǵynan zerttelgenin atap ótti.
Aıta keteıik, buǵan deıin Abaı álemi jáne «Tolyq adam» tanymy ult sapasyn qalaı kóteretinin jazǵanbyz.
