«Abaı» shahtasyndaǵy apat: Apattyq-qutqarý jumystary júrgizilip jatyr
QARAǴANDY. QazAqparat - Qaraǵandy oblysy ákiminiń baspasóz qyzmeti saǵat 15.00-degi jaǵdaı boıynsha, apat bolǵan «Abaı» shahtasyndaǵy jumystar týraly aqparat berdi, dep habarlaıdy QazAqparat tilshisi.
Qaraǵandy oblysyndaǵy «Abaı» shahtasynda qazirgi ýaqytta qutqarýshylar tótenshe jaǵdaıdan keıin qazbalardan gaz shyǵarý jumystaryn oryndap jatyr.
«Quramynda 12 adamy bar 2 taý-ken qutqarý bólimshesi metan gazynyń kenetten taraýynan keıin qazbalardy gazsyzdandyrý boıynsha jumystar júrgizýde.
Apattyq kenjarda atylǵan taý-ken massasynyń uzyndyǵy shamamen 20 metrdi quraıdy.
Shahtanyń basqa jerlerinde eshqandaı úıindiler joq», - dep túsindirdi Kásibı áskerılendirilgen apattyq-qutqarý qyzmetteriniń Respýblıkalyq ortalyq shtaby Qaraǵandy fılıalynyń dırektory Gennadıı Sılınskıı.
Eske salaıyq, 7 qarasha kúni saǵat 08:24-te «ArselorMıttal Temirtaý» AQ Kómir departamentiniń «Abaı» shahtasynda metan gazy taraı bastaǵan. Bul ýaqytta shahtada 64 adam jumys istep jatqan, 54-i evakýatsııalandy. Apat saldarynan eki adam zardap shegip, alty kenshi qaza tapty. Zardap shekkender aýyr halde jansaqtaý bóliminde jatyr.
Prezıdent Qasym-Jomart Toqaev qaza tapqan shahterlerdiń jaqyndary men týystaryna kóńil aıtty. Sondaı-aq zardap shekken azamattardyń tezirek saýyǵyp ketýine tilektestik bildirdi.
Qaraǵandy oblysynyń ákimi Jeńis Qasymbek «Abaı» shahtasynda keńes ótkizdi. Jaǵdaı týraly «ArselorMıttal Temirtaý» AQ Kómir departamentiniń dırektory Andreı Chernomaz jáne basqa da jaýapty tulǵalar baıandady.
Jedel shtab quryldy, oǵan kompanııa men memlekettik organdardyń ókilderi kirdi. Oblys jáne kompanııa basshylyǵy qaza tapqan kenshilerdiń otbasylaryna barady.
Qazaqstan Premer-Mınıstri Asqar Mamınniń tapsyrmasy boıynsha Tótenshe jaǵdaılar mınıstri ıÝrıı Ilınniń basshylyǵymen oqıǵanyń mán-jaıy men sebepterin anyqtaıtyn memlekettik komıssııa quryldy.
Apat saldarynan qaza bolǵandar men zardap shekkenderdiń esimderi.
