«Abaı» operasynyń úshinshi tusaýkeserlik spektakli 10 qazanda ótedi
ASTANA. QazAqparat - «Abaı» operasynyń úshinshi tusaýkeserlik spektakli 10 qazanda ótedi. Tusaýkeser qoǵamnyń úlken qyzyǵýshylyǵyn týdyrdy, dep habarlady www.24.kz.
Eki kún ishinde elordalyq «Astana Opera» teatrynda 2 500 kórermen boldy. Olardyń qatarynda astanalyq turǵyndar men qonaqtar, sondaı-aq mýzykatanýshylar, mýzyka synshylary men «Abaı» operasyn tek shyǵarma retinde emes, ony ómirdiń bir bóligi dep qabyldaıtyndar da bar.
10 qazanda tyńdarman tamashalaıtyn basty oryndaýshylar quramynda: Abaı - Qazaqstannyń Eńbek sińirgen qaıratkeri Talǵat Musabaev; Ajar - Qazaqstannyń Eńbek sińirgen qaıratkeri Aıgúl Nııazova, ártis úshin bul debıýt bolmaq; Aıdar - Qazaqstannyń Eńbek sińirgen qaıratkeri Jan Tápın, Jırenshe - Evgenıı Chaınıkov, Ázim - Ramzat Balaqyshıev, Kókpaı - Talǵat Ǵaleev, Qarlyǵash - Tatıana Vıtsınskaıa. Atalǵan spektaklde alǵash ret óner kórsetip, Syrttannyń partııasyn oryndaıtyn taǵy bir ártis - Armenııanyń Halyq ártisi Barseg Týmanıan, Narymbet - Erulan Kámel, Mes - Nurlybek Qosbarmaqov. Dırıjerlik tizginde - QR Eńbek sińirgen qaıratkeri, «Astana Opera» bas dırıjeri Alan Bóribaev. Bul týraly «Astana Opera» teatrynyń baspasóz qyzmeti málimdedi.
