«Abaı oqýlary»: 217 qatysýshy arasynan úzdikter anyqtaldy
ASTANA. KAZINFORM — Qazaqstan Respýblıkasy Prezıdenti Іs basqarmasynyń Prezıdenttik ortalyǵynda uly aqyn, oıshyl Abaı Qunanbaıulynyń shyǵarmashylyǵyna arnalǵan dástúrli «Abaı oqýlary» ádebı baıqaýynyń qorytyndysy shyǵaryldy.
On jyl qatarynan ótkizilip kele jatqan «H Abaı oqýlary» mereıtoılyq baıqaýyna bıyl elimizdiń ár óńirlerinen 217 adam qatysty. Balabaqsha tárbıelenýshileri, mektep oqýshylary, orta arnaýly jáne joǵarǵy oqý oryndarynyń stýdentteri, ártúrli eńbek uıymdarynyń qyzmetkerleri qatysqan baıqaýdyń eń kishkentaı qatysýshysy úsh jastaǵy búldirshin.
Bıylǵy baıqaýda balabaqshalar men arnaıy mektep ınternattarynyń erekshe qajettiligi bar tárbıelenýshileri de uly aqynnyń murasyna degen qyzyǵýshylyǵy men qurmetin bildirip, óner-bilimge degen qushtarlyǵy men ystyq yqylasyn tanytty.
Sondaı-aq, baıqaýǵa tutas uıym bolyp qatysyp, belsendilik kórsetken Qazaqstan Respýblıkasy Prezıdenti Іs basqarmasyna qarasty uıymdardy: «Qarlyǵash» balabaqshasy, QR PІB Medıtsınalyq ortalyǵynyń «Ulttyq gospıtal» ShJQ RMK, «Medıtsınalyq tehnologııalar jáne aqparattyq júıeler ortalyǵy» AQ, «Qazaqstan Respýblıkasy Quryltaıynyń qyzmetin sharýashylyq qamtamasyz etý departamentiniń avtosharýashylyǵy» ShJQ RMK, «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» ShJQ RMK jáne «QR PІB Avtosharýashylyǵy» RMK aıryqsha atap ótken jón.
Baıqaýdyń qorytyndysy boıynsha Bas júldeni Astana qalasy № 56 «Bereke» balabaqshasy «Qoshaqan» mektepaldy tobynyń tárbıelenýshileri ıelendi.
Mektep jasyndaǵy oqýshylar arasynda birinshi orynǵa Shymkent qalasy M. H. Dýlatı atyndaǵy úsh tilde oqytatyn № 8 mamandandyrylǵan gımnazııanyń 10 synyp oqýshysy Súleımen Aspandııar ıe bolsa, ekinshi oryndy Batys Qazaqstan oblysy Qaztalov aýdany Qarasý jalpy orta bilim beretin mektebiniń 9 synyp oqýshysy Telman Nurıman men Shymkent qalasy M. H. Dýlatı atyndaǵy úsh tilde oqytatyn № 8 mamandandyrylǵan gımnazııanyń 7 synyp oqýshysy Súleımen Adııa, úshinshi oryndy N. Tilendıev atyndaǵy mamandandyrylǵan mektep-gımnazııa-ınternatynyń 8 synyp oqýshysy Rabaı Aıaýlym men Oral qalasy Daryndy balalarǵa arnalǵan S. Seıfýllın atyndaǵy № 11 oblystyq mamandandyrylǵan mektep-lıtseı-ınternatynyń 11 synyp oqýshysy Nohat Alına ózara bólisti.
Eresekter arasynda birinshi oryn QR PІB QR Prezıdentiniń Ákimshiligi men Úkimetiniń ákimshilik ǵımarattary dırektsııasynyń qyzmetkeri Zulharnaev Asqarǵa, ekinshi oryn Qaraǵandy ındýstrıaldyq ýnıversıtetiniń stýdenti Saıdýllaqyzy Jasmınaǵa buıyrdy. Úshinshi oryndy QR PІB «Qazaqstan Respýblıkasy Quryltaıynyń qyzmetin sharýashylyq qamtamasyz etý departamentiniń avtosharýashylyǵy» ShJQ-daǵy RMK uıymdyq qurylymynyń qyzmetkerleri ıelendi.
Qatysýshylar ózindik óleń oqý mánerimen, izdenimpazdyǵymen jáne jańashyl jobalarymen erekshelendi:
- Astana qalasy № 56 «Bereke» balabaqshasy «Qoshaqan» tobynyń tárbıelenýshisi Jandosqyzy Aısáýle — «Jaryq juldyz»;
- QR PІB MO «Qarlyǵash» balabaqshasynyń tárbıelenýshileri:
- Muhtar Haqnazar — «Eń kishkentaı qatysýshy»;
- Myńaıdar Ahmet — «Daryndy bala»;
- Qaldybek Mansur — «Eń talapty qatysýshy»;
- Qostanaı oblysy «№ 1 Uzynkól jalpy bilim beretin mektebi» KMM 6 synyp oqýshysy Nesına Sofııa — «Eń talapty qatysýshy»;
- Semeı qalasyndaǵy № 6 mektep-gımnazııasynyń 10 «A» synybynyń oqýshylary — «Іzdenimpazdyǵy úshin»;
- Qostanaı oblysy Altynsarın aýdany Dokýchaev jalpy bilim beretin mektebiniń oqýshysy Osetrova Alına — «Kórkem sózge yntasy úshin»;
- Oral qalasy Daryndy balalarǵa arnalǵan S. Seıfýllın atyndaǵy № 11 oblystyq mamandandyrylǵan mektep-lıtseı-ınternatynyń 11 synyp oqýshysy Jumaǵalı Nurbek — «Erekshe obrazy úshin»;
- osy mekteptiń 6 synyp oqýshysy Temirtaev Nurdáýlet — «Mánerli daýys ıesi»;
- Semeı qalasy № 3 arnaıy mektep- ınternatynyń 9 synyp oqýshysy Tilekqyzy Káýsar men 11 synyp oqýshysy Serikjan Aızere– «Ónerge qushtarlyǵy úshin»;
- Oral qalasy. 2 oblystyq arnaıy mektep-ınternatynyń 10 synyp oqýshysy Kazıev Temırlan — «Óner sózdiń patshasy»;
- Astana qalasy QR PІB MO «Qarlyǵash»balabaqshasynyń qazaq tili pedagogi Shapaýova Saýlesh Ashtaıqyzy men osy balabaqshanyń tárbıeshisi Turlybekova Maral Ádilbekqyzy«Ustazdyq etken jalyqpas»;
- QR PІB Medıtsınalyq ortalyǵynyń «Medıtsınalyq tehnologııalar jáne aqparattyq júıeler ortalyǵy» AQ aqparattyq qaýipsizdik jónindegi mamany Abjamı Qýatjan.
QR PІB Tálimgerler keńesiniń tóraǵasy, Prezıdenttik ortalyq dırektorynyń keńesshisi Serik Sydyqovtyń aıtýynsha, Abaıdyń shyǵarmashylyq ári zııatkerlik murasy qazirgi jahandaný dáýirinde de ózektiligin joǵaltpaıdy.
— Abaı men onyń shyǵarmashylyǵy qazirgi jahandanǵan álemde de óziniń ózektiligin joǵaltpaıdy. Biz qazir de kóptegen suraqtardyń jaýabyn onyń shyǵarmalarynan tabamyz. Abaıdyń shyǵarmashylyq ári zııatkerlik murasyn jan-jaqty nasıhattaý qashanda mańyzdy, — dedi ol.
