Abaı oblysynyń úzdik logotıpine baıqaý jarııalandy
Abaı oblysy ákimdiginiń málimetinshe, baıqaýdyń maqsaty – óńirdiń logotıpi men brendbýgin jasaý arqyly qalanyń ımıdjin jańartý, onyń mádenı-tarıhı murasyn eskeretin úzdik jobalardy anyqtaý. Konkýrsqa túsken materıaldar bekitilgen talaptarǵa sáıkes baǵalanady.
«Komıssııa músheleri ashyq daýys berý arqyly jeńimpazdy belgileıdi. Júlde qory – 1 000 000 teńge. Baıqaýǵa shyǵarmashylyq sheberhanalar, jarnama agenttikteri, dızaın stýdııalary, jobalaý uıymdary men avtorlyq ujymdar qatysa alady», - delingen aqparatta.
Konkýrstyq jumystardy osy jyldyń 1 qazanyna saǵat 18:00-ge deıin Semeı qalasy Q.Muhamedhanov kóshesi, 8, № 412 kabınet mekenjaıy boıynsha baspa jáne elektrondy túrde usynýǵa múmkindik bar. Qandaı da bir suraqtar týyndasa 8(7222) 522577 telefon nómirine qońyraý shalýǵa bolady.
