Abaı oblysynyń turǵyny 54 jylqy urlaǵan

ShQO polıtseıleri quny 43 mln teńge bolatyn 54 jylqyny urlaǵan Abaı oblysynyń turǵynyn anyqtady, dep habarlaıdy QazAqparat Polisia.kz-ke silteme jasap.

Ulan aýdany polıtsııa bóliminiń kezekshi bólimine sharýa qojalyǵy ıesiniń týysy 54 bas iri qara mal urlanǵany týraly ótinishpen júgindi. Ol saǵat 23:00-den tańerteńgi 6:00-ge deıin aýdannyń bir aýylynyń erkin jaıylymynan belgisiz adam tańbalanǵan bir tabyn jylqysyn alyp ketkenin habarlady. Sonymen qatar ótinish berýshi bıelerdiń biriniń moınynda JPS trekeri bar ekenin aıtty, ol qurylǵy arqyly jábirlenýshi janýardyń qaı jerde ekenin teksergen, biraq qurylǵy ajyratylǵan kúıde bolǵan.

Keltirilgen zalal 43 mln teńgeden asady. Sıgnal alǵannan keıin tártip saqshylary dereý izdeýge kirisip, aýmaqty tekserý úshin tikushaq pen dron da jumyldyrylǵan. Jedel-tergeý sharalarynyń nátıjesinde GPS trekeri bar bıeniń basynan atyp óltirilgeni anyqtaldy.

Jedel-izdestirý is-sharalaryn júrgizý barysynda tártip saqshylary kúdiktini ustady. Ol Abaı oblysynyń buryn sottalǵan 46 jastaǵy turǵyny ekeni anyqtaldy. Kúdikti turatyn úıdi tekserý jáne tintý júrgizý kezinde quqyq qorǵaý organdary mal qorasynan zattaı dáleldemelerdi tárkiledi.

Atalǵan fakti boıynsha ShQO PD QR QK-niń 188-1-baby 4-bóligi (Mal urlaý) boıynsha sotqa deıingi tergeý bastady. Qazirgi ýaqytta sot saraptamalary taǵaıyndaldy, tergeý is-sharalary júrgizilip jatyr.