Abaı oblysynyń polıtsııa qyzmetkeri qazaq kúresinen álem chempıony atandy

ASTANA. QazAqparat – Abaı oblysynyń polıtsııa qyzmetkeri QAZAQ KURESI boıynsha álem chempıony atandy, dep habarlaıdy QazAqparat QR Іshki ister mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, álem birinshiligi 13-20 qyrkúıek aralyǵynda Rýmynııanyń Konstantsa qalasynda ótip, oǵan 20 eldiń sportshylary qatysty.

Polıtsııa leıtenanty Safýan Muratbekov Qazaqstan quramasy sapynda 74 keli salmaq dárejesinde óner kórsetip, fınaldyq beldesýde rýmynııalyq sportshydan basym tústi.

Safýan - QAZAQ KURESI boıynsha halyqaralyq dárejedegi sport sheberi, Qazaqstannyń jáne Azııanyń birneshe dúrkin chempıony.

Foto: facebook.com/qriim.mvdrk