Abaı oblysynyń pedagogteri aýyl sharýashylyǵy qaldyqtaryn energııaǵa aınaldyrady
«Dıplommen aýylǵa» baǵdarlamasy boıynsha eńbek etip júrgen Áıgerim Núkibaeva, Laýra Qojaeva, Elmıra Turapova, Almas Dáýletov jáne Qarlyǵash Rahmetollanyń ıdeıalary aýyl turmysy úshin óte mańyzdy.
Jas mamandar ekologııalyq problemalardyń aldyn alýǵa mán bergen. Olar qorshaǵan ortanyń ekologııalyq, agrohımııalyq, energetıkalyq máselelerin sheshýdiń birneshe joldaryn usyndy. Olardyń biri – aýylsharýashylyq qaldyqtaryn balamaly energııaǵa aınaldyrý nemese bıogaz arqyly tabys tabý.
«Ashyq tastaǵan qaldyq, qoqys áserinen qorshaǵan orta, aýa, topyraq lastanýda. Aýaǵa taraǵan qaldyq, qoqystyq zattardyń vırýstary topyraqqa sińip jaǵymsyz ıis, metan, kúkirtti sýtek, ındol gazdary bólinip aýany lastaýmen qatar adamdar arasynda ish aýrýlaryn, joǵarǵy tynys joldarynyń aýrýlaryn kóptep taratýda. Biz oılap tapqan bıogaz óndirý- energııa únemdeý jáne turmystyq qaldyqtardy beıtaraptaý, qorshaǵan ortany saqtaýda óte mańyzdy», - deıdi jas pedagogter.
Bıogaz ben bıo tyńaıtqyshtardy daqyldardyń jaqsy ósýi úshin qoldanýǵa, úı janýarlary men qustarǵa jemdik qospa túrinde qoldanýǵa bolady. Qazir bıogaz arqyly aýyldyń jartysy jylýmen qamtamasyz etilgen. Bolashaqta jas mamandar ony tabys kózine aınaldyryp, satýdy josparlap otyr.
